Meridian-2014 şirkəti FREDERIQUE CONSTANT, ORIENT, İNGERSOLL, CASIO, Q&Q, MORELATTO markalarının Azərbaycanda rəsmi distributorudur.
Şirkət qol saatlarının bütün Azərbaycan ərazisində topdan, korporativ və pərakəndə satışını həyata keçirir.
Təmsil etdiyimiz dünya markalarının ən son yeniliklərini hər kəs üçün əl çatan edirik.Mağazalarımız markaların ən müasir konseptinə uyğun olaraq inşa edilib və marka tərəfindən təsdiq olunmuş rəsmi satış nöqtələri kimi qeydə alınıb.
https://shopcasio.meridian.az/ isə rəsmi online mağaza kimi 7/24 xidmət göstərir.
Markanın Azərbaycandaki rəsmi təmsilçisi olmağımız istənilən məlumatı bir başa markadan əldə etməyimizə imkan yaradır.Xidmət keyfiyyətinin artırılması məqsədilə keçirilən silsiləli təlimlərdə marka tərəfindən təyin olunan həm xarici həm də yerli mütəxəssislər brendin tarixi, fəlsəfəsi, texnologiyası ilə bağlı ən dolğun məlumatı bölüşür. Məqsədimiz personalın bilik və bacarığını davamlı artırmaqla yanaşı, istedadlarını aşkar edərək düzgün istiqamətdə yönləndirməkdir.
Satış, marketing, B2B və digər istiqamətlərdə ilk addımlarını atan gəncləri nəzərə alaraq xüsusi təcrübə proqramı hazırlamışıq.
Həmçinin təcrübəmizlə dilerlərimiz və tərəfdaşlarımızla bölüşərək potensial müştərilərin cəlb edilməsinin yollarını paylaşırıq.İstər kiçik, istərsə də böyük biznes sahiblərinə individual yanaşırıq. Gənc,yaradıcı və olduqca peşəkar menecerlərimizin tək hədəfi biznesin inkişafında üzə çıxan çətinlikləri aradan qaldırmaqla yanaşı operativ şəkildə həll yoluna nail olmaqdır. Sadaladığımız faktorlar şirkətimizi əməkdaşlıq üçün öz sektorunda ən cəlb edici seçimə çevirir.
Ölkənin ən proqressiv gənclərinə, musiqiçilərə, rəqqaslara, idmançılara və digər kreativ düşüncə sahiblərinə dəstək olmaqla müxtəlif istiqamətdə layihələri həyata keçiririk.
