CASIO

CASIO COMPUTER Co. LTD, 1946 -cı ildə qurulan bir Yapon şirkətidir və bu gün saat istehsalında dünya liderlərindən biridir. CASIO bütün saatlarını markalara görə bölür. Hər bir markanın öz auditoriyası və öz reklam nümayəndələri - marka elçiləri var.

Öncə CASIO brendinin tarixinə nəzər salaq.

1946-cı ildə yaranan CASIO markasının ilk məhsulu siqareti tutmaq üçün nəzərdə tutulmuş üzük olmuşdur. Müharibə illərinə təsadüf edən bu məhsul özünü doğrultmağı bacardı. Daha sonra bir sıra elektronik məhsullar istehsalına davam edən brend artıq həm güvənilir, həm də də hər kəsin büdcəsinə uyğun elektronik məhsullar üzrə ixtisaslaşmağı bacarmışdı.
1957-ci ildə ilk kompakt tam elektrik kalkulyator CASIO tərəfindən satışa çıxarıldı.CASIO 1966-cı ildə  masa üstü elektron kalkulyatorların ixracına başladı.İlk inteqral sxem kalkulyatoru isə 1968-cı ildə istehsala buraxıldı.

1974-cü ildə ilk saatını istehsal edən CASIO şirkəti bir neçə il sonra saat tarixində yeni bir inqilab edəcəkdi. O zamana qədər qol saatları hər kəsin təfəkküründə həddindən artıq zərif bir aksesuar kimi yer etmişdi.

1983-cü ildə yeni artıq yeni bir saat brendi,zərbə və ektrim şəraitlərə davamlı G-SHOCK yarandı.

Yarandığı gündən daima yeni modellər və funksiyalarla yenilənən G-SHOCK dünyanın bir çox ölkələrində satış nöqtələri olan dünya brendinə çevrilmişdir.